PERSVERKLARING

Dagsê vriende

Gedurende die afgelope twee maande het ons as gevolg van die Covid-19 pandemie almal voor nuwe en verskillende uitdagings te staan gekom. Hierdie uitdagings laat ‘n mens ook noodgedwonge herbesin oor prioriteite.

Dit was vir baie lank reeds Pietman Geldenhuys se storie vertel maat, Andries Vermeulen, se droom om voltyds in die geestelike bediening te staan. Andries het gevolglik die besluit geneem om nou sy fokus te plaas op sy pastorale studies en verkondiging van die Woord. Andries sal dus voortaan as gevolg van hierdie verpligtinge, uittree as mede-aanbieder van OppieStoep.

Daarmee saam sal die uitsendings van OppieStoep se Kuber Kuiers vir eers tot verdere kennisgewing op die ys geplaas word.

Die goeie nuus is egter dat ons reeds hard aan die beplan is vir die Desember 2020 OppieStoep Kustoer. Andries sal op hierdie toer vir oulaas weer by Pietman en vertel-gaste aansluit.  Die OppieStoep span ondersteun Andries ten volle in sy besluit op ‘n nuwe loopbaan en wens hom alle sterkte toe met sy studies en nuwe roeping.

OppieStoep groete